藍絲帶因為圍揼記者而遭港台暫停採訪。要知道，藍絲帶眾人柒事一大堆，若果要逐一記載，分分鐘出本書都仲得，而且內容一定好笑過市面上真係賣笑話嘅笑話書。大佬啊，班人連 Laughing 哥係掛旗者都信，Matrix 改圖你又信，半個世紀前嘅關家姐潮文改兩隻字又信，最過份係旺角有佔領者拿激光劍都有人信啊！激光劍啊！正常人都無可能會信啦，到底你哋係點生存到而家架？

然後藍絲帶班友，真係做狗都唔識認主人，先有私煙去中大叫689下台，再有藍絲帶唔認得習總拿新聞獎張相，竟然話想佢跌落獅子山！喂！又話愛國又話盛咁， 連自己最專敬嘅黨主席都認唔出。

唉，所以我有時候真係會覺得好迷茫，到底我同一眾藍絲帶係唔係真係生處於同一個時空？點解我知嘅野會同佢哋知嘅野有咁大分別？以前我會覺得柒係有極限嘅，一個人最柒都應該係拎錯獎啫，到今日先知，柒，真係可以無極限，喺藍絲帶嘅世界沒有最柒，只有更柒。

如果傳媒真係一一報道晒藍絲帶嘅事，你叫藍絲帶嘅後代情何以堪呢？所以選擇唔報，其實已經係對佢哋最善良嘅偏頗，亦係對保障香港聲譽的一個正確選擇。

（圖片來源：藍絲帶碌柒精華集）