雨傘革命由學聯、學民兩個組織的罷課而開始。但革命期間雙學（特別係學聯）的行為被受爭議。很多人話，「不要鬧學生，佢哋入世未深」、「我哋對佢哋要包容」、「如果佢哋做錯咗，都係欠缺經驗啫」、「佢哋唔升級，只係冇膽啫，每個人勇敢程度不同，咪各有各做囉」、「佢哋只係學生，冇政治利益考慮，所以一定可靠過所有大人」。

如果你曾經有咁諗過，真係要恭喜你。因為你肯定係俾偽民主派呃過，信過佔中三子，而家又俾學聯出賣。這裡不講學聯不斷被爆出的黑材料，大家反省一下這種「學生一定啱」嘅種種邏輯之荒謬。

「學生入世未深，唔知做緊乜。」

真係？點解有人話佢哋俾大人利用嗰時，你又話佢哋識得獨立同理性地思考？究竟你覺得佢哋有腦定冇腦，定係「做好事就證明佢哋有腦，做錯事就只係佢哋又忽然冇腦」？你盲撐學生之前，請用下（你自己）個腦。

「學生係善良嘅，唔鬧得。」

係咩？如果個個後生仔都係好人，呢個世界唔會有少年罪犯啦！況且如周永康的大學生已經二十四歳，又點會仲係細路？又點純潔法？

「佢地冇膽升級啫，咪各有各做囉！」

各有各做，係咩？學聯根本唔准其他人做。你唔睇下學生組織如何同立法會衝擊者閃電割席（雖然冇泛民割得咁難睇）。早前再想同旺角「討論」，張秀賢已經講到明有需要奪回旺角話語權。學聯又多次阻止其他人去支援佢哋控制不到的旺角。這如何是「各有各做」？

「咪鬧學生。雨傘革命都係為咗保護佢哋。冇佢哋就冇呢場運動，勿忘初衷！」

錯！「勿忘初衷」一定要撐雙學，因為「初衷」係雙學發動嘅「罷課」。識唔識中文㗎？「初衷」意思係「最初嘅想法」，當然係指「罷課目的」（即公民提名）而非罷課本身！學生的確在初期有呼喚群眾的作用，但雨革主要目的不是保護特定的人，而是爭取「公民提名」。這才是「初衷」！不要混淆視聽！

「我哋對學生要包容。」

要盲目包容到咩程度？學聯同政府 deal 讓路換對話，不斷放風叫人退。就係呢啲左膠思維，迂腐地包容諸如偽民主派、佔中三恥。無論佢哋行為如何反智，拖抗爭者後腿同破壞民主發展，你都可以一一包容。

陳雲睇穿學聯。話佢叫人落地獄太法西斯、太 harsh 嗰班左膠，每次都係 a few steps behind。你哋都係跟返劉慧卿同李卓人嗌下口號「咩真普選」、「建設民主中國」口號算把啦！