有網民昨日（1月20日）在大埔Facebook群組上傳多張相片，指有271線好心司機，因在廣東道雙黃線上客而被三名警察抄牌，令到總站大排長龍，結果「慈母」此舉，被網民鬧爆。

據該名網民稱，事發時間約為昨日下午5時半，一輛271線九巴在尖沙咀廣東道離開車站時，車長因看到有人招手，便好心停車上客，但隨即被警員截停，聲稱：「仲唔畀我捉到你雙黃線上車！」，然後向司機發出告票，結果事件擾攘了近20分鐘，車長才能開車離開。另有指同線車長曾召喚了其他九巴職員到場，但警員堅持要開出告票，該好心車長無奈地說:「會自己食咗佢」。 

網民猛烈評撃警方執法不仁，批評警方經常選擇性執法。有網民認為廣東道巴士站經常有其他車輛違法上落客及停泊，「警察卻隻眼開隻眼閉」。更有網民替好心司機被抄牌不值，認為廣東道 271 巴士總站選址不佳，行人路狹窄之餘更沒有上蓋，司機及乘客上落車極之不便。也有網民留言指，既然「慈母」抄司機牌，那大家記得「守法」，見一次私家車泊巴士站，都打一次電話投訴，但記得要打交通部，而唔係999。

（圖片來源：大埔Facebook群組）